雨僑與羅力威於2018年結婚，兩年前誕下女兒Harper，8月8日踏入2歲的Harper最新Playgroup畢業，雨僑指女兒屬於高敏兒，是「觸覺過度敏感」寶寶，早前Playgroup畢業禮老師熄燈播影片即爆喊，轉換老師即暴走。近日雨僑帶Harper影學生相，今年9月入讀N班的她，原來已獲名幼取錄。
照顧「高敏兒」時要注意的細節很多，雨僑指囡囡日常生活也有極高要求，她說：「沖涼嘅時候對水溫要求極嚴格，幾乎要用溫度計，爭一兩度都唔沖，一旦改變setting分分鐘嬲成個禮拜。着衫、換片、抹面、抹口、搽cream打仗咁。唔喜歡凹凸不平嘅嘢，唔係一般討厭，係爆喊崩潰。沙地草地messy play免問，勁驚你整污糟佢。因類似以上情況會哭鬧好耐。」
高敏兒觀察細微，對環境變化特別敏感，怕黑又怕嘈，早前playgroup畢業禮，當現場熄燈準備播出影片時，Harper便爆喊，並奪門而出。後來到另一間playgroup補課，課室和老師也跟平日不同，Harper喊了45分鐘，多次想奪門而出，雨僑指只要女兒到陌生地方、看見陌生人便會失控，照顧高敏兒絕對不易，但雨僑未有氣餒，她說：「加油面對世界」。她更笑女兒：「你真係好怪，but I love you anyways」。
N班獲名幼取錄
Harper在9月即將入讀N班，她已獲名幼國際英文幼稚園（紅磡校舍）取錄，該校學校目前有3間分校，一間位於紅磡（N班），2間則位於九龍塘（K1-K3），PN班每年學費為$82,797. 不少星二代也是校友，包括陳展鵬女兒小豬比（陳諾瑤）、陳敏之兒子雷子樂，已畢業的則有陳慧琳兒子劉昇和劉琛、蔡少芬女兒張楚兒、郭羡妮女兒Kylie、文頌嫻女兒Jamie、王浩信陳自瑤女兒王靖喬等。
