洪永城( Tony) 和梁諾妍（Inez） 於2021年結婚並誕下女兒「洪寶寶」Amber，Amber似足爸爸，非常可愛，太太梁諾妍經常笑囡囡是「洪永城扮女仔」！早前洪永城要到內地為新劇《香港人在北京》開工3個月，近日他終於完成工作回港，即趕回家見女兒Amber，可惜女兒太耐無見，一見他即爆喊，令他心碎！

離家3個月的洪永城終於回港，太太Inez在IG分享洪永城回家的影片，當他踏入家門、衫也未換即想抱囡囡，可惜Amber一見他即相當即呆住，不久更爆喊，Inez在旁大笑指女兒平日見陌生人也不會哭，她指：「爸爸？古怪叔叔？洪寶傻傻分不清，期待了呢個畫面好耐，3個月後終於見返，究竟係爸爸想念到哭定係洪寶認唔出到哭？睇片睇真相，最後仲話自己要扮外國人做咩事！」她指洪永城很掛念女兒，一見到Amber眼有淚光，她說：「一定想念到哭啦！」