產後的媽媽既要坐月，又要日夜照顧BB實在相當辛苦，在這段期間能找到一個好的陪月非常重要。藝人何雁詩在5月時誕下兒子，上星期她在IG表示陪月姨姨簡姐要走，她非常不捨：「我又想喊啦🥲我真係好唔捨得🥲」她大讚簡姐工作認真又細心，原來簡姐亦是吳若希的陪月，早前她同樣大讚簡姐，更稱只有她「湊得掂」一對仔女。

何雁詩（Stephanie）與鄭俊弘（Fred）的寶貝兒子Asher已經兩個月大，產後何雁詩一直由陪月簡姐幫忙照顧BB及煮坐月餐，近日簡姐已完成工作離開，何雁詩在IG表示不捨：「估唔到簡姐真人仲有料過口碑，到BB出世之後，除左（咗）好溫柔細心照顧Asher，有時候我出左街睇翻baby cam，都會聽到簡姐好開心咁同bb傾緊計（偈）❤️到我唔開心又會同我傾計😂 成日提我著拖鞋，著多件外套，直頭好似多左個媽咪🤭煮飯又好食🥲 之前聽其他媽媽講話臨盆前有咩想食就快啲食啦，坐月冇得食㗎⋯點估到我係到坐完月會唔捨得，呢段時間都唔俾我媽咪叫外賣，因為想食多幾次簡姐煮嘅餸，因為之後唔知幾時可以食到啦🥲嗚嗚嗚⋯講到呢度，我又想喊啦🥲我真係好唔捨得🥲」

她續指：「諗返起由BB出世到今日，感恩有好多天使係我身邊，陪月簡姐就係其中不可缺少架（㗎）啦❤️」

何雁詩指簡姐是由Bob林盛斌介紹，她說：「有一日我老公同Bob 閒聊期間突然問有無陪月介紹，話晒佢都係4寶貝之父，同一晚佢就即刻send左簡姐電話俾我地🥰 果然，Bob唔單止係金牌媒人，仲係金牌中介😂」

吳若希稱只有簡姐「湊得掂」兒子

原來簡姐亦是吳若希兩胎的陪月員，她去年誕下細仔時，亦在Instagram向大讚簡姐：「同大家隆重介紹～中間那個就是我的陪月簡姐～左一是我女兒～ 是簡姐帶大的，乖的程度完全是我親生的！右一是我兒子～ 也是簡姐帶大的，但我懷疑他是簡姐親生的～～～～只有簡姐湊得佢掂」。

在簡姐離開時吳若希亦感不捨：「沒有陪月的第一天，我聽我兒子哭聽到我都快哭了～～簡姐～～妳回家幾個小時我已經掛念妳啦。」