楊洛婷細仔黃子芯（Tristan）自今年初起頭上每日都戴着頭盔，不少網民都好奇頭盔的作用，楊洛婷一直未有多加解釋，直至昨日（16日）她在IG宣布：「芯哥頭盔畢業啦🎉 」她更詳細解釋兒子在戴頭盔的原因。
楊洛婷指在兒子Tristan 2個月大時 ，開始發現他頭部一直只轉向左側，令頭型變扁，「我試過好多方法，例如用人手幫佢轉向右方、按摩、BB枕頭、矯形啫喱枕頭，但佢每次用jelly枕頭都大喊大叫。」直到Tristan6個月大時，左方的扁頭越來越明顯，「當時，我堂細佬同我講述佢個仔嘅經歷，如不正視情況就會越來越嚴重，並介紹我訂造矯型頭盔。」
經過治療師評估，Tristan 頭型屬於扁頭綜合症的「中等平頭 」，有輕微不對稱，主要集中在左後方。「頭盔治療嘅黃金時間一般係喺BB四至八個月大進行, 效果最為理想。而Tristan當時係大約7個半月大開始頭盔治療, 啱啱趕得切黃金時間, 俗語話 “腦筍未生埋” 之前嘅時間去幫Tristan改善頭型。」她說。
「其實我都考慮咗一段時間，因為價錢不便宜，但醫生話如果唔處理最嚴重嘅話會影響前額、耳仔不對稱、重心向前傾、頸背肌肉拉扯 ，甚至面容發展，影響平衡力，所以我哋都決定試吓。好彩Tristan戴上頭盔後冇唔適應，首日戴一小時，第二日戴兩小時，之後全日戴上23小時，連睡覺都要戴著。頭盔嘅質料好似發泡膠，Tristan 戴咗一個月，已經可以向右面擰，情況改善咗好多。起初戴頭盔要每半個月見治療師調校size，之後每一個月見一次就可以。除咗矯型外，我哋發覺仲有保護佢嗰頭仔嘅作用，因為Tanya 成日抱佢，經常差點撞到細佬嗰頭 。」
Tristan經過5個多月的頭盔治療，楊洛婷指他頭型改善得很好，現在已對稱，她更開心指：「可以畢業啦！🎉」
