近日IKEA登陸尖沙咀K11 Art Mall，在開幕期間更推出限定可愛「鯊魚包」，註冊營養師Gloria亦第一時間去試，她更推介多款IKEA健康急凍食物，放在冰箱隨時食得，簡單方便！

Gloria試食完「鯊魚包」後分享：「一個熱辣辣包包$8～食落甜甜地～感覺唔多牛油，而且質地鬆軟，食得過！減肥會員們就計1個為1.5份五穀啦～但忍唔住買埋肉丸哈哈 提提大家，當中用肥豬肉整，所以有70%熱量係來自脂肪！一杯5粒已經有190 kcal，再加100ml忌廉肉丸汁就有約60kcal ，肥上加肥，有約4茶匙油架 記住開心share！」

她同時為大家搜羅了5款比較健康去急凍食物，放定冰箱隨時可以食！「包括有較低脂啲嘅雞肉丸同埋蔬菜丸、低脂薯蓉（係！低脂！）⋯重點重點，係我覺得係全香港性價比最高嘅急凍三文魚！肉質一定唔會鞋/霉⋯仲要有魚味得來又唔腥！幫大家換算左份量，乖乖地唔好買咁多肉丸返屋企呀 記住係買三文魚呀」

IKEA尖沙咀店：K11 Art Mall 地庫2樓B204-B210舖​