老公湊仔經常發生搞笑事，今日（30日）陳柏宇老婆符曉薇在IG分享老公帶女學芭蕾舞，事前已準備好衣服，但最後發現老公忘記為女兒除底衫、穿襪褲，她說：「成條底褲都俾人見晒！」除了陳柏宇，圈中不少爸爸也帶湊仔女趣事，如羅力威早前為女兒Harper穿鞋，更不分左右，老婆雨僑說：「聽說勞氣分享了就會變得無咁勞氣！」而元元爸爸李璨琛亦曾試過邊湊女邊瞓覺，網民更笑指：「好似謀殺案現場！」

陳柏宇老婆符曉薇指今早有工作，交由老公帶女兒學芭蕾舞，之後從影片中發現女兒的裝扮相當奇怪。「媽媽準備晒芭蕾舞裙同襪褲，點知爸爸淨係俾我直接着芭蕾舞裙，冇除入邊嘅阿伯底衫，最重要唔着襪褲，成條底褲都俾人見晒！」她更指「阿爸做事阿媽擔心！」不少網民也有共鳴，指：「男人係咁！」、「我老公一樣！」

除了陳柏宇，圈中不少爸爸也曾出現搞笑湊仔方式，如李璨琛，老婆外出由他負責湊元元，最終變成元元睇住爸爸「瞓覺」，老婆留言：「李老豆一貫作風，成日話合埋眼都可以睇住個女，睇吓睇吓通常係個女睇住佢瞓覺或者係變咗個女睇電視🙄🙄🙄 #LU表示 #你瞓覺就啱喇😚」。另有一次更是爸爸在梳化睡著，而元元樣子相當搞笑，躺在地上雙眼半開合，一副無奈的樣子，媽媽：「你地（哋）兩父女想點，生活係呢個屋企你哋好唔開心咩，睇到個人都絕望埋，最絕望畫面大獎」有網友笑指：「好似謀殺案現場！」 而羅力威亦曾試過為女兒穿鞋左右腳掉轉，老婆雨僑指：「但我決定要開番個series叫 <Living with my husband>，一聽說勞氣分享了就會變得無咁勞氣！」梁靖琪、Coffee林芊妤亦曾在IG分享老公湊仔方式，最後變成齊齊「瞓覺」，相當搞笑。