李璨琛囡囡元元（Lucy）一向表情多多，臉圓圓加上其可愛的小肚腩，深得一班網民喜歡，昨日元元媽媽在IG貼文，只見穿上校服的元元一回家即爆喊，媽媽以為關自己事，一問之下，竟然因為呢個原因⋯⋯

元元媽媽指：「放學返嚟一開門見到老母即刻爆喊，老母心虛以為關自己事。原來係姐姐手快快撳咗佢長期負責嗰粒閂門掣。」事緣元元每日都要負責按大廈電梯的關門掣，昨日外傭姐姐一時忘記，快手按下，元元即時爆喊，姐姐當時也一臉無奈。貼文一出，不少媽媽也有共鳴，表示仔女也發生過此事，有媽媽說：「我個女都係咁！」

亦有網民笑指：「全幢大廈住客上落啲制（掣）8月份Lu姐包晒😂😂 唔好喊😂」，另亦有網民亦留言：「呀LU佢表示比人搶左（咗）飯碗！」