患有先天性心臟病的5歲「小鐵漢」Kansas，自出生至今已歷經多次大手術，由於小鐵漢在3歲時換了機械心瓣，但隨著他發育，心瓣不會跟他同步長大。因此在7月12日，爸爸Jayco首次陪同兒子進入手術室，完成機械心瓣更換手術。惟獨在7月15日在兒童醫院離開後，今日（26日）Kansas出現發燒情況，父母擔心是術後併發症，希望回到兒童醫院，但卻出現荒謬的安排，爸爸Jayco更憤怒直言：「如果真係併發症，可能已能經失救咗！」

兒童醫院只收轉介
小鐵漢術後今有發燒跡象，作為父母，當然最害怕是術後的不良反應，因此即時動身前往最近他們的天水圍醫院急症，而這時荒謬的事便發生了。Jayco晚上接受訪問時指：「去到天水圍醫院照Ｘ光，想話去返負責做手術嘅兒童醫院跟，點知兒童醫院話只收轉介個案，呢樣係我最難以接受嘅地方。」

而壞消息接二連三，天水圍醫院原來並沒有兒科，即無法做到轉介，醫生建議可到有兒科的屯門醫院跟進轉介的做法，令Jayco勃然大怒：「其實如果囝囝真係手術後嘅併發症，已經『瀨曬嘢』，醫院安排真係好有問題，有併發症可能已經失救咗！」

花五小時才到屯門醫院 未知何時能回兒童醫院

由小鐵漢入天水圍醫院急症室計起，Jayco指已花了四至五小時，直到晚上十點半左右才到達屯門醫院，希望可以轉介到兒童醫院跟進。而經歷過多次大小手術的小鐵漢，因為過往術後也會在醫院住上一段日子，而且多數術後也沒有出現發燒等病徵，今次醫院的安排真的令他感到十分「荒謬」！

13小時仍未有心臟科醫生診症

爸爸在今早（27日）再更新，指他們在天水圍醫院轉到屯門醫院後，才發現這邊沒有心臟科醫生。「俾人踢咗過嚟屯門醫院，原來呢邊係冇心臟科醫生，而家仲要等中午主診醫生巡房，先安排到轉去兒童醫院 畀心臟科醫生睇佢！由999白車，到天水圍醫院，再畀人踢去屯門醫院，已經超過13小時，連一個屬於心臟科嘅普通觀察同治療都冇。」他對於醫院的安排相當憤怒，稱「絕對係拖延救援同治療，現場病房嘅前線都話冇辦法好無奈，話係個流程嘅規定同限制。