今日(21日)是沈殿霞（肥姐）的77歲生忌，網上搜尋網頁Google也將頁面Logo〝Doodle〞轉成多個 肥姐 的卡通公仔，以紀念這位曾為香港觀眾帶來不少歡樂的「開心果」，現時身處海外的女兒鄭欣宜在IG限時動態貼出兒時跟 肥姐 的合照，亦感謝Google紀念媽咪。

肥姐女兒鄭欣宜近日返加拿大放假，今日在社交網貼出兒時跟肥姐的合照，亦有留意到網上搜尋網頁Google，將搜尋頁面Logo〝Doodle〞轉成肥姐的卡通公仔，欣宜在IG限時動態貼出肥姐的Doodle外，亦留言：「Happy Birthday to my女神！」

欣宜早前在2月肥姐死忌時，在社交網上載小時候跟亡母的合照，更以中文寫下感受，揭開媽咪嚴厲的一面：「當我嘈喧巴閉、跑來跑去、坐唔定嘅時候佢只會大聲喝我一聲『鄭欣宜』再加多一個嚴厲眼神我就會靜止下來（其實通常唔使講任何野，掘我一眼就夠）。但當我最跩最跩例如蝦婆婆或者突然變Moody黑起塊面冇禮貌唔睬人或者講大話時⋯⋯佢真係會兜巴星我。然後佢就會叫我跪喺地下掹住耳仔。最搞笑係，俾佢打完，我梗係會喊啦～佢就會叫我『唔準（准）喊！』⋯⋯人越大越珍惜佢那種不離不棄。無論我有多壞，無論我令佢多失望，到最終佢都會叫我「過嚟」然後錫返我。」