鄭中基 日前在他的YouTube頻道「機動電視台」中分享，他的2個工人姐姐都離開了，但不是因為合約完結才走的，而是因為一個姐姐借了錢，另一個姐姐做擔保，趕住去「走佬」。
他當日還跟2個工人姐姐說：「我有工作，會早啲返嚟，我返嚟你哋先走啦。」不過，當他一出門口，2個工人姐姐還是「走佬」了。他說自己學會了：「千祈千祈唔好畀機會佢哋，唔好同佢哋講應該要點做，要Check佢哋就要Check咗先好出門口，做晒你要做嘅嘢至走，如果唔係佢哋隨時會走。」
外傭姐姐因借貸而「走佬」的故事屢見不鮮，孫慧雪亦曾經遇過，工人姐姐急急忙忙離開之後，她隨即收到追債電話和恐嚇信，才揭發外傭離職的原因。她之前還自責：「即刻明晒點解對佢咁好都要走，我之前仲猛咁諗，係咪辛苦咗佢！佢之前話有困難，我哋仲借咗筆錢俾佢！唉！佢明知我哋屋企有小朋友都咁樣，真係好過份，可以點解決？」
應報警、填寫「ID 407E」
- 點算家中有沒有財物損失
- 工人失聯24小時後報警
- 到勞工署開檔案，追討代通知金，保障自己
- 「慰問」工人會否回家或取回遺留物品
- 填寫入境處表格「ID 407E」終止合約及保險
- 收到入境處確認信後傳真給財務公司，停止上門追債行為
香港外傭僱主關注組召集人徐曉彤分享，「唔係工人借錢就一定會走佬，而係佢覺得自己還唔到就走佬」。當僱主發現工人不見了，應在24小時後報警落案指工人失聯，但不用報「失蹤人口」。而僱主亦需在7日內在勞工署開檔案，意指追討一個月的代通知金，並表示願望提供機票，以防外傭反到勞工處控告僱主。
當遇上外傭借錢後潛逃，僱主應檢查家中的財物，萬一有損失亦應報警。萬一外僱遺留物品在家，僱主可以「慰問」的方式詢問她會否回家和取回物品。
而僱主亦可考慮填寫入境事務處表格「ID 407E」。據香港政府一站通網頁資料，僱主須於合約終止日期起計的7天內通知入境事務處，以證明外傭已經離職或斷約。徐曉彤提醒，一旦遞交了表格，簽證和保險亦會隨即終止。而入境處會向僱主發出的確認信，僱主緊記要傳真予財務公司，否則可能持續受到追債的滋擾。僱主也可以通知住宅管理處外傭已離職，不讓自稱認識外傭的人士上門。
一份合約可借$38,000
一張合約可借到約3萬8千元，要「走佬」的話估計外傭不只借一間公司，甚至借其他人的資料再借錢。徐小姐質疑政府對外傭借貸的監管不足：「點解容許姐姐每月只賺到4千多元，可以借到3萬8千元呢？即使佢唔寄錢返去，都要差唔多一年先還到！」
而平日，僱主亦可以留意有沒有外傭在外借錢的「蛛絲馬跡」，例如突然收到教會信件、生日卡等，實質是財務公司寄來的收數信。如果外傭向僱主借錢，僱主應有心理準備，外傭會無力還債。