早前女藝人孫慧雪在社交平台上發文指，家中新請的外傭放假後一直沒有回家，翌日下午即怒炒「姐姐」，更列出「姐姐」7不思議離譜事件，其中一項是：「第一日入屋，佢用神力推咗我屋企隻窗落街！」亦試過放假到男友家過夜不回家，引起網民熱烈討論，更指：「炒得好！」外傭被炒後三日搵工，即遇着孫慧雪老公朋友，問到被炒原因，竟訛稱：「呢個太太成日亂咁解僱工人！」她更提醒將要請外傭的僱主要小心，以免中招。
【圖片來源：孫慧雪facebook專頁】
孫慧雪連日在Facebook分享這名極品外傭的不可思議事件，更驚訝表示：「點解佢可以講咁多個大話？」早前外傭放假玩通宵後，翌日她即跟外傭「分手」，外傭被炒後竟敢叫她寫推薦信，孫慧雪無奈表示：「求姐姐面皮厚度？」
事隔3日，她再在facebook分享：「老公話請大家繼續食花生，真係好癲，今日極品姐姐去見工，咁啱見中老公嘅朋友，世界真細小，呢位朋友開頭問佢，點解你兩星期就俾人解僱左，佢謊稱話，我都唔知點解呀，Agent話我知呢個太太成日亂咁解僱工人，所以佢已經被人blacklist，搞到要用老公名請姐姐！跟住佢拎咗封解僱信出嚟，話你睇下，信上面冇寫原因㗎！然後佢繼續話自己好內向，放假唔出街，今次仲話自己同老公好恩愛！」
她續說：「呢位朋友都超醒，佢見到封信上有我老公個名，即刻WhatsApp 問點解唔用呢位姐姐！最後朋友同佢講，但你香港有男朋友喎！又唔返屋企，你走啦！跟住佢好尷尬咁走咗！」她更提醒大家，外傭指自己用apps約見工，打算請外傭的僱主要小心！
！」
孫慧雪細數新姐姐之七不思議：
1.本來應該到嗰日，即第一日，佢失聯，後來再出現話前僱主幫佢搞farewell party，所以失蹤咗一日；
2. 嚟到唔做嘢，我洗衣籃傾瀉，我哋問佢係咪唔識用洗衣機啊？，不如教你呀，佢話：我識呀，已經幫自己洗咗幾機衫，然後我先發現，係喎！晾起全部都係佢啲衫！
3. 佢嚟到第一日，要求每晚都要有me time做運動，都唔緊要，但係佢晚晚一早就自己收工，唔會再幫手，然後攞瑜伽蓆，換晒full set運動衫，做瑜珈！跟住又係洗自己啲做完運動嘅full set運動衫唔係我哋啲衫⋯⋯
4. 面試時，佢話自己好內向，唔鍾意出街，剩係會匿喺屋企，除非有緊要事要辦先出去，下午兩三點都已經會喺屋企，結果第一日放假，佢話夜晚11點先返，我哋O晒嘴，話佢interview都唔係咁講，佢話我鍾意匿喺男朋友屋企，可能我幫慣外國人做嘢囉，同你地style唔同
5. 佢做咗幾日，表明自己就做唔晒啲嘢㗎啦，你哋請多個姐姐嘅時候，我再同佢傾，點樣合作做你哋屋企啲嘢，其實我屋企只得我、老公同小朋友，小朋友已經盡量自己湊，接送都係我同老公，有家教老師喺度嘅時候，佢都唔幫我哋執床，自己去咗me time
6. 最誇張嘅係：第一日入屋，佢用神力推咗我屋企隻窗落街！！！！真係非常好彩係，無傷到人！！！
之後佢同我講， 隻窗係自己跌咗落街！（註：隻窗喺工人房）
利申：我哋屋企係新裝修，仲要有驗窗，可能係之前啲姐姐整鬆咗，都唔可以完全怪晒佢嘅！不過係我人生入邊一件好難忘嘅事！
7. 叫佢幫我哋攞嘢，佢話佢攞唔到，叫我哋自己攞